Kosningaloforðin

Sjálfstæðismenn hafa sakað Framsókn um innantóm loforð. En hvernig eru þeirra eigin loforð? 

 Þeirra leið til að hjálpa heimilunum er á þessari síðu :

http://www.xd.is/malefnin/skuldavandi-heimilanna/

Þar taka þeir dæmi um fjölskyldu með 600þús. í heildarlaun á mánuði sem er að greiða af 20 millj. kr láni. 

a) Ríkið veitir þeim allt að 40þ skattaafslátt á mánuði vegna greiðslna af láninu og fer sú upphæð beint í að greiða niður lánið. Bara í þessu gæti ríkið misst skattatekjur sem nema 480þús á ári.

b) Með sínu framlagi og atvinnurekenda greiða þau saman 4%  í séreignasparnað (kr 24þús á mán.) Sú upphæð er einnig nýtt öll til að greiða niður lánið og gefur ríkið eftir skattalegar tekjur sínar (kr 9.600) af þessu. Alls missir ríkið af 115.800 kr á ári vegna þess.

Samtals missir ríkiskassinn af tæpum 600þús krónum á ári af skattalegum tekjum sínum aðeins vegna þessarar einu fjölskyldu.

Aðstoð Sjálfstæðismanna við heimilin, virðist því ganga út á að láta ríkið borga niður lánin. Ríkið fær minni skatta en hrægammarnir fá sitt. 

Sjálfstæðismenn virðast sammála Framsókn um lyklalög.

 

Sjálfstæðisflokkur bætir við sig

Athugasemdir

[Jóhann Kristinsson, 18.4.2013 kl. 03:59]

Ef þetta dæmi sem þú setur fram Jörundur er það sem (S) notar þá er auðskiljanlegt af hverju fylgishrun flokksins hefur orðið verra en bara út af stefnu flokksins eftir Landsfundinn.

Hvað ættli það séu mörg heimili sem hafa 600 þúsund í tekjur á mánuði?

Ummm Bjarni Ben, Hanna Birna, Illugi, Pétur Blöndal, Steeingrímur Sigfússon, Árni Páll, Birgitta, Guðmundur Steingrímsson, Sigmundur Davíð til að nefna einhverja og sennilega allir þjónar almennings sem vinna í Alþingishúsinu sem gleyma því að þeir eru þjónar, en ekki einhver auðmanna elíta.

Það á að lækka kaup þjóna landsmanna svo að þeir hafi ekki efni á því að vera á þingi í 30 ár.

Til hvers að borga niður lán sem rjúka upp aftur vegan verðtryggingarinnar, þetta er það heimskulegasta sem ég hef heyrt.

Enginn furða að (S) verður í stjórnarandstöðu næstu fjögur ár.

Kveðja frá Las Vegas

[Jörundur Þórðarson, 18.4.2013 kl. 08:35]

Þetta er þeirra (S) eigið dæmi. Ég prófaði það í reiknivél eins bankanna. Verðtryggt lán með 4,2% vöxtum og 4% verðbólgu. Á fimm árum lækkaði lánið niður í 18 milljónir með svona ríkisaðstoð. Hvort sem mínir útreikningar eru réttir eða einhver skekkja finnist þá er leið (S) á kostnað tapaðra ríkistekna til hagsbóta fyrir lánadrottnana (hrægammana)- og þetta fé fer út úr íslensku hagkerfi.

[Kristinn Snævar Jónsson, 18.4.2013 kl. 08:46]

Það er dapurlegt ef kjósendur sjá ekki í gegnum þessa brellu í þessu stefnumáli Sjálfstæðisflokksins, um að veita ríkisstyrk til lánveitenda með þessum hætti gegnum skuldara verðtryggðra lána. Með þessu fyrirkomulagi er verið að örva greiðsluflæði til lánveitenda, en ekki verið að koma til móts við skuldara með stökkbreytt verðtryggð lán frá hrunárinu 2008. Jafnframt er verið að ganga á sparnað skuldaranna.

Kjósendur ættu að sjá á þessu fyrir hvaða hagsmunaaðila Sjálfstæðisflokkurinn er að fyrst og fremst að starfa með framsetningu þessa kosningastefnumáls síns; Lánveitendur.

[Jóhann Kristinsson, 18.4.2013 kl. 15:27]

Sammála þér Kristinn enda koma lán sem verða niðurgreidd til með að rjúka upp vegna verðbólgu sem setur verðtrygginguna af stað og skuldarar verð í sömu stöðu aftur mjög fljótlega.

Verðtryggingin verður að hverfa í það minnsta á húsnæðislánum

Kveðja frá Las Vegas

[Jörundur Þórðarson, 19.4.2013 kl. 09:55]

Hafði samband við frambjóðanda S og óskaði eftir þeirra skýringum um þessi mál. Hann staðfesti að þeir væru búnir að reikna eða áætla kostnað við þetta, ca 44 milljarða á fjórum árum. (Í samræmi við mitt mat) Sagði að meirihlutinn af þessum skuldum tengdist Íbúðalánasjóði. Sagði óábyrgt að halda því fram að hægt væri að segja bönkunum (Íslandsbanka, Arionbanka) að þeir eigi að endurgreiða.

Aðskilið mál væri hvernig erlendir eigendur bankanna komi gróðanum eða hluta af honum úr landi. Þar geti stjórnvöld beitt sér t.d. með skattlagningu.

Mitt mat er að fjármögnun þessarar leiðar orkar tvímælis.

Um þá sem hafa farið í gegnum skuldaleiðréttingar eins og 110% leiðina: Þessir einstaklingar keyptu sína fasteign á uppsprengdu verði. Tel að lyklafrumvarp eigi að losa þá úr skuldasnörunni og leyfa þeim að byrja á núlli án þess að fara á svartan lista. Svo er spurningin, eiga þeir heimtingu á að fá aftur eitthvað þeim sparnaði sem þeir lögðu í sín íbúðakaup? Eða er nægileg leiðrétting að núllstilla?

[Jóhann Kristinsson, 20.4.2013 kl. 01:56]

Meðan að Verðtrygging er í gildi þá fara allar húsnæðilána leiðréttingar út um þúfur. Höfuðstólar lána verða komnir í sama horf og fyrir leiðréttingu eftir stuttan tíma.

Kveðja frá Houston